|
| 我平時subscript 左既朋友,
如果佢更新xanga 就會有email send過來俾我睇佢既新weblog,
但我由睇十幾個,
到而家每日得番4 - 5 個,
數目變得太大啦!
我諗我都好係一個好例子!
| | |
| 除左一段刻骨銘心既愛情， 我的夢是有一班好朋友， 干膽相照， 係你失意時， 安慰你! 係你無聊時， 陪你一起尋歡樂， 係你開心時， 陪你一起瘋癲! 好可惜， 人愈大， 大家要既野唔同， 念舊的， 往往會把握見面的機會， 見得多，自然會熟， 呢句說話係真架! 人一生就似搭巴士， 係你揸既巴士， 有唔同既人上車， 同一時間， 又有人會落車， 上上落落， 究竟邊個會陪你到總站呢? 今日既灰心係因為朋友既事， 亦因為今次既灰心， 我明白左邊個先係好朋友， 我，開始覺得有d野唔係自己想維繫既, 就可以! 我諗我知自己既生存目標啦， 想做既事就去做， 錢既事一於小理, 足夠就算啦! 講多十幾年既「知足常樂」都係真架! | | |
| 呢幾個月, 身邊既朋友仔真係好忙, 當然都包括自己啦! 有幾個就開始拍拖, 有幾個就忙工作。 古人真係無死錯人, 好一句: 「男人唔係忙工作，就忙身邊既女人」 諗諗下, 又真係喎! 工作真係可以好忙, 甚至可以令我返屋企後仲要工作, 但我喜歡! 背後的女人, 哈! 當然啦, 一定要陪! 如果唔係, 耳朵都被擰掉! 身邊開始拍拖果幾位, 你地發現左未呢? 哈哈! 以上呢一段係由工作由超得閒轉到而家超忙碌 及 由拍拖踏入4周年既我話你知! ^^ | | |
| 剛剛過去5月1日是和Yan Yan 相戀四週年紀念。 過去一年發生的事真的特別多, 定是我們未試過經歷低潮呢? 真是一個好問題! 和Yan Yan分開了,再一齊, 可以說是最重要的經歷, 知道自己最需要的是什麼, 最想要的又是什麼, 這個女朋友對我的意義實在是太重要, 到最後我都醒覺, 挽回一段不可得失的感情, 可以說是我過去一年最重要的一段事! 講得太遠了,說回5月1日的事吧! 當日到了荃灣吃個早餐, 便輕輕鬆鬆上船到了馬灣, 馬灣是舊公司上班的所在地, 所以我對馬灣就當然一點也不會陌生啦! 馬灣公園走了一個圈, 真是一個了不起的公園, 似是森林中開發了一片樂土, 哈! 做了足足九個月都未曾入過這個地方, 真有點慚愧! 想知有什麼玩? 自己來走走看吧! ^^ 
| | |
| 由4月20日開始轉到新的工作, 由穿得平實到白領, 希望是我所想的吧! 對以往的工作沒有念念不忘, 只是人! 和舊同事的關係的確太好, 從前試過摸著杯底訴說出各自辛酸往事, 各人也津津樂道, 也試過一起舉兵到澳門作樂, 輸了錢但嬴了情, 我知道, 我們的友情永在。 新工作其中一位同事是舊同學, 所以對我來說, 知道公司的特別多, 我的老闆是女強人, 對她真的非常佩服, 很懂得如何對待員工, 希望可以在這間公司儲經驗, 成功考妥測量師資格! 題外話, 在這個不景氣的時期, 放棄一份穩定的工作, 轉身投入另一份未知前景的工作, 說實點, 有d害怕, 只可以說一句阿超的口頭禪:「你未試過, 你唔明架啦!」 | | |
|
